Maktabimizda Kitobxon o'quvchilarni ko'paytirish, adabiyotga, she'riyatga mehr uyg'otish maqsadida maktabda adabiy uchrashuv tashkil etildi. Tadbirga Yozuvchilar uyushmasi a’zosi shoir Tursun Ali va adabiyotshunos olim, Filologiya fanlari doktori professor Islom Yoqubov tashrif buyurishdi. Davra suhbatida shoir Tursun Alining 2 jildlik "Tanlangan asarlari" taqdimoti bo‘lib o'tdi. Maktab o'quvchilari shoir ijodiy yo'li, zalvorli she'rlari haqida fikr bildirishdi. Ijodkor asarlaridan namunalar yodlab aytishdi. O‘zlarini qiziqtirgan savollarga javob oldilar.